Un poco prome cu 11:00 am a drenta informacion di un accidente grave caminda un motociclista a hay’e envolvi den un choke semi-frontal cu un Mistubishi Lancer color scur (A-30610). E impacto tabata asina fuerte cu e hoben a bula pasa riba e vehiculo y cay parti patras.
Mesora patruya y ambulance a presenta pa asina cuminsa brinda asistencia. E situacion di e motociclista e momento ey tabata basta grave. Cu fractura profundo y preocupante. Por a tuma nota inmediatamente cu e chens di perde e pia ey lo ta casi sigur.
E pia tabata practicamente na un hilo. Ademas di e enkel, e tabatin mas fractura na e resto di pia y curpa. Ta un impacto hopi fuerte cu a pone bay un haltura sorprendente.
Segun por a compronde na e sitio, cu e hoben coriendo e quadracer lo a bin dal semi-frontal den e Lancer. Ambos a resulta herida. Cu maximo urgencia a transport’e pa hospital. Ta papia di falta di preferencia pero esaki ta algo cu ta keda den man di polis di trafico pa investiga.
Daño material ta lo di menos na e momento aki mirando e seriedad di e sucedido. Ta desea pronto recuperacion na ambos persona envolvi, cu a pasa den un susto y trauma severo durante e accidente aki.
