Diadomingo henter Aruba tabata pendiente pa e e wega final, un final cu a yena nos hendenan cu orguyo y a mustra un biaha mas e gran potencial cu nos deportistanan tin.
Campeon, esey tabata e grito cu por a scucha diadomingo, despues di un wega final hopi intense cu un gran competidor, Panama. Pero nos muchanan a sa di briya y sobresali logrando e titulo di campeon di Junior League Latin America.
Fraccion di POR ta sumamente orguyoso di e gran logro aki y ta felicita nos campeonnan cu awo lo ta representando America Latina na e World Series.
Tanto Alan Howell como Marisol Lopez-Tromp ta sigur cu nos team lo sa di briya un biaha mas y hiba den e caso aki nomber no solamente di Aruba, pero di henter America Latina den halto y lo ta un digno representante na Merca. “Nos ta orguyoso di cada un di bosonan”.
Alan Howell den nomber di fraccion y partido POR kier a desea boso tur clase di exito na World Series y trece e titulo di World Champions bek Aruba.
