Marisol Lopez-Tromp, lider di MAS, tambe tabatin un audiencia cerca gobernador, den cuadro di un ronda di consulta pa asina yega na un gobierno nobo. El a gradici tur votado cu a deposita nan confiansa den MAS. Mirando e resultado di eleccion, ta bon pa e tres partidonan no tradicional cu a saca asiento, sinta hunto y hiba un combersacion.
Den su audiencia cu gobernador, a papia di tur loke tin di haber cu eleccion. El a sigui bisa pa loke ta e resultado di eleccion, e cantidad di voto ta un señal cu esunnan cu a vota pa MAS, kier mir’un cambio.
Ta e votonan no tradicional cu a bay p’e partidonan cu awo a crece, ya cu ta cinco (5) partido tin cu a haya asiento. Partido tradicional a bay un poco atras y e partidonan chikito a bay dilanti. Pa loke ta MAS, nan a bay dilanti cu dos (2) asiento, cual p’e ta algo insolito. Dia 22 di april el a haya e traspaso di e partido y pa despues prepara candidatura.
Mirando e resultado di eleccion, ta bon pa e tres partidonan no tradicional cu a saca asiento, sinta hunto y hiba un combersacion. Nan votadonan ta esunnan cu a vota p’e partidonan no tradicional ta esunnan cu kier un cambio. Pa honra esaki, pa tene cuenta cu e votonan aki, e cinco (5) asientonan aki ta hopi importante pa conhuntamente wak con ta sigui y por forma un bloke strategico pa cu e formacion cu ta bin.
Pa mas informacion abona riba www.trempan.com
