Fundacion Enseñanza Pa Adulto (FEPA) a sinta na mesa cu e team di Formado mr. Everlyn Wever-Croes. P’e fundacion esaki tabata un dia hopi importante di a haya oportunidad pa papia riba enseñanza pa adulto. Tin di inverti mas den enseñanza.
Randolf Vrolijk, fundado y presidente di FEPA, a papia riba e cosnan cu tin nan preocupa. Hopi biaha enseñanza pa adulto ta un parti di enseñanza lubida. E parti aki t’esun mas principal n’e momentonan, ya cu por mira e situacion financiero y economico di Aruba pero tambe e situacion di Covid-19, pa por recupera economia manera e tabata of hasta miho. A informa e formado riba e pasonan cu nan ta kere cu gobierno tin di haci, sosten cu e fundacion tin di haya. Asina ey hunto cu gobierno nan por engrandece enseñanza pa adulto. Un gran parti di pueblo no tin nan estudio secundario termina y esey ta hacie hopi dificil pa por funciona como pais.
A yega momento cu gobierno tin di mira enseñanza den su totalidad via un maneho integral. Tambe como un prioridad di biaha. E ora mester inverti den enseñanza pa adulto. Cu esey ta crea un base solido pa pueblo di Aruba haya un oportunidad. E fundacion no a acerca gobierno pa solamente financiero, pero nan ta kere mas den sosten moral. Asina aki nan por haya mas oportunidad, di cual nan ta haciendo caba, y cu gobierno ta duna e fundacion espacio pa por organisa diferente tipo di estudio na Aruba.
Pa cobertura mas amplio, lesa e edicion di TREMPAN mañan.
