E farmaceutica Mericano Moderna a bisa e vacuna cu nan a desaroya contra Coronavirus ta 94.5% efectivo. E porcentahe aki ta mas halto cu e fabricante Pfizer, cu siman pasa tabata den noticia. E vacuna ey ta 90% efectivo pa preveni contagio di Coronavirus.
Un otro beneficio di e vacuna di Moderna ta cu e ta miho conserva compara cu Pfizer. Segun Moderna e vacuna por dura 30 dia den frishider warda, mientras e vacuna di Pfizer mester warda riba un grado di 80 bou cero.
Cuanto a cumpra?
E comision Europeo tin acuerdonan cu seis fabricante di vacuna p’e compra di esakinan. Aki por mira ki tempo e vacunanan ta disponibel y cuanto dosis Hulanda tin di haya. Hulanda tin derecho di compra di 3.89% di e totalidad di volumen. E seis fabricantenan ta:
1. BioNtech & Pfizer: rond di 7.8 miyon dosis (desde final di 2020)
2. AstraZeneca & Oxford: rond 11.7 miyon dosis (desde final di 2020)
3. Janssen & Johnson & Johnson: 7.8 miyon dosis (desde final di 2020)
4. Moderna: 3.1 miyon dosis (desde comienso di 2021)
5. Sanofi & GSK: 11.7 miyon dosis (desde comienso di 2021)
6. CureVac: 8.8 miyon dosis (despues di maart 2021).
E farmaceutica a bisa cu e vacuna no lo tin efectonan secundario serio. Un porcentahe chikito di hende cu a participa na e investigacion a desaroya dolor di cabes y otro kehonan chikito.
Investigacion haci bou 30.000 persona
Den e estudio cu Moderna haci, 15.000 persona a ricibi un placebo y 15.000 persona e vacuna. Di e personanan cu a ricibi e placebo, 90 di nan a bira malo. Diesun di nan a ricibi kehonan grave. Di e 15.000 persona cu a ricibi vacuna, cinco di nan a bira malo. Niun di nan a duna un keho grave.
CBG ta husga pa Hulanda
Esey no ta nifica cu e resultadonan di biaha ta poco onbetrouwbaar, Ben van der Zeijst, profesor di vacuna di Leiden University Medical Center (LUMC). A bisa. Pa Hulanda, e Hunta di Evaluacion di Medicamento ta forma parti di e comite di evaluacion di vacuna, a bisa di laga e compania sa via Twitter. Nan a laga sa cu no lo perde ningun stap importante y “ciertamente no ta compromete cu siguridad.”