Fundacion Anti Droga Aruba (FADA) a keda contento cu nan por a comparti informacion cu comunidad via di un charla riba e consecuencianan di vaping.
Miosotis Tromp, trahado social di FADA, ta contento cu mayor cu nan yiu a acudi na e charla aki unda cu a comparti informacion con nan a cuminsa uza vaping y a splica nan e consecuencianan di esaki, cu ehempel di loke a pasa cu otro hobennan.
Ta importante, segun Tromp, pa ciudadanonan ta consciente di e dañonan cu esaki ta causa. P’esey ta importante pa e tipo di charlanan aki sigui tuma luga. Hopi hende no sa kico ta tur e kimiconan cu tin den e sigaria aki y e consecuencianan cu e tin pa salud di e ser humano.
Ta pidi keda pendiente pa siguiente charlanan of por tuma contacto cu FADA (nan ta riba Facebook) si ta interesa pa duna informacion na grupo di hoben of adulto.
