Diamars Fundacion Anti Droga Aruba a lansa un campaña promocional en conexion cu di cinco aniversario di nan campaña #AmigoDIDI.
Rich-Ann Ammerlaan, trahado preventivo na FADA a splica cu durante añanan a traha diferente contenido y diferente informacion pa asina por conscientisa comunidad di Aruba ora ta core auto bou di influencia di alcohol. E campaña aki ta un campaña specialmente pa luna di september, un like, share & tag campaign. E campaña aki ta danki na comerciantenan cu a duna contribucion na e campaña.
A lansa nan campaña pa medio di un video titula “Bo sa ken ta amigo DIDI?, cu lo bo mester like, share & tag dos amistad den e commentnan. Idea di campaña ta pa FADA yega mas cerca di comunidad. Video cu pueblo lo share ta unda cu team di FADA hunto cu Fundacion Zinnia lo subi caya pa asina entrevista comunidad y wak ken sa ‘Ken ta amigo DIDI’.
Michele Croes, di Fundacion Zinnia, a indica cu nan ta traha hunto cu FADA pa conscientisa comunidad riba con importante e ta pa tin un amigo DIDI. Hopi hende sa di amigo DIDI, pero ainda falta.
Traha pa comunidad ta algo bunita, pero personalmente ta un proceso di rouw, cu nan a pasa aden cu morto di nan yiu muhe.
