La Casa Rosada ta un monumento di Aruba y e propietarionan a restauara e luga aki cu a tuma tempo y costo. Pero pa basta tempo nan tin problema cu choller. A restaura e edificio manera e tabata, pero e no tin suficiente elemento di siguridad na e portanan.
A pone cameranan y a contrata un compania di siguridad, Fabio Marcotulli, propietario di La Casa Rosada, a indica. Desde basta tempo chollernan ta dedica na horta eynan.
Prome tabata horta pafo y awo ta yega hopi mas cerca unda Fabio y Laila Marcotulli ta biba. Nan a bay polis y aunke a haya bon trato di nan, e ta sinti cu aki na Aruba tin un tabu pa loke ta chollernan pasobra ta mustra cu no por mishi cu nan. Esaki ta pasobra nan ta personanan cu ta sufri di problema mental.
“Mi ta pensa cu e pio deligencia ta esun cu no ta haci,” el a bisa. E ta kere e biaha aki esaki lo tin un resultado, pasobra awo no ta referi cu e ta bay bisa di algun homber ta hortando algun luz.
E ta mira esaki como un problema mas importante y ta duna e isla un imagen hopi malo. Tur hende ta papia di maraviyoso, cu polis ta maraviyoso, ta trata bon y ta educa, pero nan ta trata solamente e problemanan di mas grave. Nan mester trata e problemanan di choller, pasobra despues di tempo e ta bay bira mas grandi.
Un ehempel ta cu e chollernan cada dia ta haci cosnan pio.
Den e ultimo cuater dia, tabatin hortamento y esey no tabata pasa dos luna pasa. Un otro cos ta cu hende no ta gusta bay polis pa entrega keho, pasobra tin e pensamento cu polisnan no ta bay haci nada.
Loading…
Reload document
Open in new tab E ta compronde cu nan tin problema mental y mester yuda nan. Pero den e grupo aki di problema mental, tin un cantidad di delincuente y hoben, el a expresa. Pa subi un muraya di 4 meter y tumba un luz cu tabata poni riba palo, sa con pa pag’e y p’e esey no ta un persona cu problema mental.
