Fa Tromp t’un pensionado preocupa. E ta preocupa e forma con prome minsiter di Aruba a tribi di hinca su man den saco di e pensionadonan cu ta cobra via Sitchting Algemeen Pensioenfonds Aruba (APFA). Segun Orman, prome minister a ranca 1500 florin pa aña for di nan cu promesa cu; prome aña caba, nan lo ricibi un parti bek. Te awo, nan no a ricibi nada bek. E ta un abusado, e pensionado a vocifera durante un encuentro cu 24ora.com. Orman ta sinti cu tin un grupo di pensionado cu ta sostene su declaracion. E ta tuma e preocupacion asina serio te cu a bay asina leu di acerca OPPA y vocifera e preocupacion. Aunke, OPPA no por haci mucho mirando cu nan no ta un sindicato. Pero di nan banda toch a trece esaki den claridad tanto na Aruba, den prensa local como tambe na Corsou.
OPPA a vocifera e preocupacion di e pensionadonan cerca prome minister tambe. Pero e prome mandatario no tin tempo suficiente pa contesta. No ta for di awo, pero tin organisacionnan manera SIMAR cu tabata lucha fuerte pa e placa cu gobierno a kita for di polis, juffrouw di scol, enfermero, dokter, pensionado y mucho mas. Fa Orman na nomber di e grupo preocupa kier sa na unda e placa e bay y den saco di ken. E ta sinti cu prome minsiter ta abusa di e pueblo c’un actitud comosifuera cu e ta doño di Aruba. Prome minister no ta duna respet na ningun gremio ora nan ta den parlamento, segun e pensionado preocupa. “Bo ta sinti bo asina halsa cu bo kier haci kico bo kier cu e pueblo”, asina Fa Orman a vocifera. Ta evaluando pa organisa un accion di firma p’asina trece nan preocupacion na conocemento di secretario di estado, drs. Alexandra van Huffelen.
