Despues di dos aña di ausencia, e aña aki un biaha mas e exposicion Lens di Mi Wowo.
Durante un rueda di prensa na RBC, a anuncia apertura pa e di 15 edicion di “E Lens di mi Wowo” riba dia 1 di september. Manera tur aña RBC ta sostene e proyecto bunita aki.
Leo Vrolijk ta e organisado di e exposicion Lens di Mi Wowo. Esaki ta e di 17 aña, pero e di 15 edicion, ya cu pa dos aña no tabata tin’e, door di COVID. Un exposicion cu a crece, bolbe cay. Pero e aña aki tin un total di 125 potret y tin 17 participante.
Tur aña ta dedic’e na un persona, y e aña aki ta toca e honor na Jason Inesia di 24ora/TREMPAN y tambe na Rudolf Haseth di Diario. Ambos tin basta aña den e mundo di fotografia.
PREMIO DJISPIE FRANKEN
Vrolijk a remarca cu dos aña pasa a bin cu Premio Rookie, cual despues a bira Premio Djispie Franken. E aña ey a otorg’e na Brian Koolman di 24ora.com pa su trabao. E aña aki ta dedica e premio na Andrew Vrolijk.
Exposicion lo habri dia prome di september, riba Dia di Prensa, na Biblioteca Nacional, pa 7:30pm y pa un luna largo lo por pasa wak e expo. Esaki lo ta habri pa publico entrante 2 di september. E muchanan di scol tambe por bin wak durante ora di Biblioteca.
![](https://24ora.com/wp-content/uploads/2022/08/7Y8A2558-scaled.jpg)
![](https://24ora.com/wp-content/uploads/2022/08/7Y8A2563-scaled.jpg)
![](https://24ora.com/wp-content/uploads/2022/08/7Y8A2546-scaled.jpg)