Awo nos por bisa cu tin un helicopter cu ta bay yuda cu siguridad aki na Aruba. Pero pa un ke otro motibo, no a yega diabierna, sino awe diasabra. Segun alto comisario di polis, Andrew Hoo, pa cuminsamento di otro siman, e por cuminsa bula caba den servicio di Cuerpo Policial.
No ta prome biaha cu Cuerpo Policial tin un helicopter den nan servicio. E intension ta cu e mesun proceduranan ta wordo aplica. E patruyahe, Buskeda y Rescate, combatimento di criminalidad en general, for di aire e biaha aki. E ta un ayudo hopi grandi. E ta e bista for di laira y ta stuur aan y guia e patruyanan cu ta riba caya.
Alto comisario Hoo a splica tambe cu nan ta bezig cu negoshando cuanto rato nan por ta den laire. En principio e por ta 40 ora, pero por bay un tiki mas, pero cu un acuerdo, por regla un cierto cantidad di ora pa luna. E trabao di polis ta hopi dinamico. E ta cambia cada dia y tur ora. E oranan sigur ta bay varia. A base di loke pasa riba caya, e mester bula pa duna su servicio.
Pa awor aki, e compania mes, mescos cu esun anterior, ta bin cu su piloto. Polis semper ta den e helicopter. Ora cu pueblo mira e helicopter den aire, tin un polis den dje. Esey ta e intension.
Mirando cu tabata tin un timeframe pa e helicopter cuminsa bula, a manda e helicopter aki. Esaki no lo ta uno permanente. E ta cubri e periodo te ora cu esun mes keda cla cu e colornan di Cuerpo Policial. Esaki ta un helicopter temporareo te ora cu esun mes keda cla.
E helicopter ta keda Aruba pa un luna of pa menos. Tur cos ta depende con hopi e helicopter mes keda cla.
Cuerpo Policial sigur ta contento. Nan kier duna un miho servicio y e siguridad di e isla mester prevalece y combati criminalidad.
