Ta bisto cu e pandemia a causa un impacto devastador tur caminda rond mundo, incluyendo Aruba y e islanan di Caribe Hulandes. Y ta p’esey Stichting Prins Bernhard Cultuurfonds Caribisch Gebied a cuminsa cu un kick-start fund pa asina duna instancianan cultural y artistanan un empuhe pa nan por start bek.
Presidente di e fundacion, Halder Lam, tabata na Aruba specialmente pa e evento organisa den Parke Boy Ecury. E evento a forma parti tambe di e proyecto di renobacion di e parke. E invitadonan a conta cu un agenda yena di baile y musica bao di e streanan.
Por a disfruta di Chris Kross cu su banda, Samantha di Club di Movemento, dunando asina un show di calidad halto. Publico a aplaudi tanto e banda como tambe e bailarinanan, cu a haya un bon oportunidad pa demostra tur locual nan a siña y a entrena durante e aña di pandemia y lockdown.
Despues di e temporada aki di COVID, sigur tabata algo cu hopi hende tabatin mester di dje, segun Halder Lam. E fundacion a sinti cu tabatin e necedad pa bin cu un fondo special pa yuda e proyectonan cultural atrobe y duna nan un empuhe, cual nan a yama ‘kick-start fund.’
Hulanda a cuminsa cu ne y a pidi pa e islanan den Caribe tambe bin cu un. Na Corsou tabatin varios proyecto asina, pero tambe na Aruba a logra organisa un di calidad halto y unico. Pa mas detaye lesa e edicion di TREMPAN di mañan mainta trempan!
