Medaya di plata pa Nathaly Geerman di Pesas den e Campeonato Panamericano na Caracas 2024, cual tabata un evento clasificatorio pa Weganan Olimpico di Paris. Nathaly Geerman ta un atleta di rendimento halto y ta forma parti di seleccion di Aruba Weightlifting Association.
E tabata acompaña pa su coach Walter Llerena. Na Caracas el a subi plata forma y midi forsa na nivel internacional Panamericano pa trece cas dos medaya di plata pa Aruba.
Esaki ta marca historia den deporte pa Aruba, mirando cu despues di hopi aña nos tin un atleta, despues di Julian Pemberton na 1955, a logra medaya. Nathaly Geerman a termina cu miho snatch di 90 kg y clean & jerk di 125 pa un total di 215 kg cu ta bira prome femenino na Aruba cu ta pasa e barera di 200 kg.
Aruba Amateur Weightlifting Association ta manda felicita e atleta Nataly y coach Walter pa e tremendo resultado. Tambe ta gradici tur cu a haci posibel p’e por a participa n’e evento aki.
