Mainta e bloke sindical, cu ta consisti pa SEPPA, SADA, SIMAR, FTA y SPA, a entrega nan manifiesto na minister presidente. Na final e mandatario a bisa nan pa sinta na mesa y trata e puntonan di preocupacion.
Durante entrega di manifiesto presidente di SADA a indica cu e prestatiemanagement a bin door di e landspakket tema B-9. El a sigui enfatisa cu desde 2017 e gobierno actual ta na mando y nan ta haya cu e motibonan menciona pa Minister Presidente, mr. Evelyn Wever-Croes, por a bin desde 2018.
E mandatario a expresa na nan cu e kier proteha e ambtenaarnan. Pero manera e ley ta, esaki no ta proteha e ambtenaarnan. El a enfatisa con nan a traha aña pasa sin un ley y ta haya cu por haci sigui haci esey. El a reitera cu mester kita e ley fo’i mesa pa motibo cu e no ta cumbini. Tambe cu nan por traha pilot jaar e aña aki sin e ley.
E mandatario a expresa di ta tuma sindicato su peticion na consideracion. No ta di aña pasa a cuminsa papia riba prestatiemanagement, pero desde final di 2021 y esaki tin di haber cu e pandemia. Na november e no por a trece e cambionan.
Wever-Croes a bisa cu nan a hereda un caos den gobernacion, no a haya traspaso di gobernacion. Nan a cuminsa di un crisis tras di otro y nan mester a atende, y despues pandemia a dal. E mandatario ta convenci y ta mira e sindicatonan cu el a sinta na mesa dia 27 di januari, kendenan a bisa di ta na fabor di e sistema di presentatiemanagement. E sindicatonan tin problema cu cierto aspecto y p’esey e mandatario a pidi pa nan papia di eseynan.
Pa mas lesa TREMPAN.COM.
