Den oranan trempan di atardi, mr. Evelyn Wever-Croes, Prome Minister di Aruba, a informa cu e lo entrega retiro di Gabinete Wever-Croes. Esaki a bin despues di un comunicado di Ministerio Publico riba un investigacion andando contra fraccion di POR. Esaki tin di haber cu malversacion di fondo.
A dura basta rato prome cu mr. Evelyn Wever-Croes a tuma prome cu el a sali for di gabinete di gobernador, den e caso aki cerca gobernador interino, Yvonne Lacle-Dirksz, despues cu el a entrega un carta unda cu e ta baha e gabinete actual.
For di tur caminda tabatin comentario di politico unda cu sea ta distancia for di partido POR, sospecha pa Ministerio Publico di malversacion di fondo. Tambe partido den oposicion, AVP, a sali bin dilanti y a duna comentario riba e bahamento di gobierno.
Di biaha e prome mandatario a sigui pa bestuurskantoor pa asina e conduci un conferencia di prensa extraordinario pa asina oficialmente informa comunidad cu gobierno a cay.
