Den bida cada stap cu bo dal tin consecuencia. Ora pueblo bay urna electoral pa deposita nan vota tambe tin consecuencia. Awe nos ta biba e consecuencia ora un pueblo ta vota pa un partido politico cu durante campaña a priminti cu lo goberna sin medida, pero ta hiba un maneho yen di medida.
Un falta grandi di integridad ta e origen di e comportacion maligno aki. Integridad kiermen sea corecto hasta ora ningun hende ta mira bo. Nos politiconan pa hopi aña ta carece di integridad. For di 1986 te cu eleccion 2021 e politiconan a yega na poder cu gañamento. En bes cu pueblo haya prosperidad, e politiconan aki a dal pueblo hopi tubo y awe pueblo ta biba den miseria. Cuanto hende e gobernantenan aki por a duna trabao? Gañamento tambe ta un falta di integridad. Unda integridad a keda? P’esey partido Curpa ta di opinion cu pa hopi dia caba e gobierno mester a bay cas.
E proyectonan Public Private Partnership a cuminsa durante periodo di gobernacion (2002-2009) di partido MEP. A traha prome esun di Belastingkantoor, Centro di Husticia na Macuarima y na 2004 a traha e warda di polis na Shaba. Ora gobierno a cambia na 2009 e gobierno di partido di AVP a sigui cu e proyectonan Watty Vos Boulevard, Green Corridor, hospital, J.F. Kennedy Education Center y MFA pa un suma bruto di 97 miyon florin pa aña.
Aruba su debe nacional ta riba 6 biyon florin na un interes di 6.5% pa aña y esaki ta sin ningun proyecto. Si nos mira bon 390 miyon florin ta wordo paga tur aña na interes. Public Private Partnership ta e proyectonan basa riba e principionan di Sustainable Development Goals, esta diesshete puntonan den e Agenda 2030. E mesun agenda prome tabata conoci como Agenda 2021. E Bon Comun tambe ta sali for di e Sustainable Development Goals. E ta un agenda comunista y el a cuminsa bao di partido MEP despues partido AVP y atrobe bao di gobernacion di partido MEP. Riba 23 di september 2022 Parlamento di Aruba a hisa e bandera di Sustainable Development Goals recordando e di shete aña.
Pueblo no lubida e acuerdo CommonTrust Network cu nos prome minister a firma 17 di december 2020. Aruba a bira e prome pais den Caribe cu a firma pa join CommonTrust Network. Aki den tambe tin acuerdo di e paspoort digital. E Agenda 2030 ta pinta hopi bunita pero te cu awe e ta un agenda comunista cu e meta principal ta pa reduci e poblacion mundial mediante e arma biologico cu yama Covid-19 y e experimento genetico cu nan a yama vacuna cu nunca a haya aprobacion di FDA na Merca. P’esey e lema ta lo bon no tin nada y lo bo ta feliz. E tantisimo medida aki pueblo ta kedando sin nada. Awor nan kier bin cu un otro lockdown y un otro vacuna cu no tin aprobacion di FDA di Merca. E lockdown nan kier cuminsa den luna di september aki y october 2023.
E memorie van toelichting di presupuesto 2024 pagina 73 ta trata e derecho di igualdad. Ta indica cu ningun hende mester wordo laga atras. Aki nan ta referi na e casamento di mesun sexo cu mester ta legalisa. E geregistreerd partnerschap a habri porta pa e casamento di mesun sexo y lo sigui pa legalisa e parti di pedofil. E Pandora box a cuminsa habri. Esunnan cu a mira e pelicula Sound of Freedom cu pa cinco aña a bringa pa no ta realisa a habri wowo di hopi hende. E traficacion di mucha ta mas lucrativo cu e negoshi di droga. E muchanan cu ta abusa, sacrifica y pa despues bende nan organonan. E isla di Epstein lo expone hopi nomber di artista, politico, rey y director di banco envolvi di un manera of otro den e negoshi aki. Un negoshi cu ta mas lucrativo cu esun di droga. P’esey partido Curpa ta comparti e lema cu e criaturanan di Dios no ta na benta.
Nos gobierno no por keda sconde tras di un agenda diabolico/comunista. Nos di partido CURPA ta kere cu nos supuestamente Cristian ta na altura di e agenda scondi aki. Por mira claramente cu e agenda ta hinca den e presupuesto 2024 cu mester wordo trata. Si bo ta bisa cu bo ta cristian anto bo no por tene man cu scuridad y forma parti di nan maldad. Dios su boluntad ta perfecto. E luz di Dios sigur lo briya riba e scuridad y lo saca tur cos na claridad. Partido Curpa e unico alternativa.
