Durante di siman nos tabata tin e bishita di nos Rey Willem-Alexander y su famia. Nan tabata tin un programa basta extenso. Entre otro a bishita nos parlamento. Partido Curpa a compronde cu lider di Accion21 a hiba un discurso unda a expresa cu su partido kier trece cambio den nos leynan, entre nan legalisa abortus, eutanasia, marihuana y matrimonio di mesun sexo. Increibel cu durante di bishita di rey e lider di Accion21 ta hiba un discurso asina. Kico Aruba por spera di un lider asina cu ta apoya tur cos cu ta malo?
Nos di partido Curpa no ta sorprendi pa e contenido di e discurso paso tur esaki ta parti di agenda dje metanan di desaroyo sostenibel (SDG). Locual cu ta hala nos atencion ta cu e lider di e partido aki no ta perde tempo y ta busca moda di pusha su agenda completo. E geregistreerd partnerschap a habri porta pa matrimonio di mesun sexo y esaki ta solamente e prome dos letternan di e organisacion LGBTQ+ y ainda falta mas. Nos por ripara cu nos pueblo ta kere cu djis legalisa e matrimonio di mesun sexo y tur cos ta caba. E matrimonio di mesun sexo lo habri porta pa bin cu un ley pa legalisa pedofil. E transgenderwet lo kita poder di mayornan y si e menor di edad kier haci operacion pa mutila su organo sexual AZV lo mester cubri pa esaki. Unabes kita afo no por pone bek. Nos pueblo falta hopi informacion di e consecuencianan cu e ley aki ta trece. E nomber papa y mama lo no existi mas.
Nos ta bibando den e tempo cu e wolf a dicidi di kita su trahe di carne pa mustra berdaderamente ken e ta. E partidonan socialista a kita nan mascara y ta demostra cu nan ta partidonan cu ideologia comunista. Nos por mira kico a pasa cu Cuba, Venezuela y Nicaragua. E agenda 2030 ta den ful swing y tin e pueblo dividi pa asina logra nan meta. Gobierno no tin respet pa e clase trahado pasobra nan ta dicidi y ta sigui impone e medidanan te cu ora cu caba cu e clase media. Pueblo lo no tin nada di bisa mas y si sigui den e direccion aki pueblo ta bay biba na rudia.
Nos di partido Curpa ta kere cu nos parlamentarionan ta debidamente na altura di locual ta e 17 punto di Sustainable Development Goals esta agenda 2030. E contract di Eagle LNG ta secreto pero e metanan di desaroyo sostenibel no ta un secreto. Informacion tin di sobra. World Economic Forum ta lidera e agenda aki y ta papia hopi cla. WEF ta papia di e great reset. E great reset ta nada otro cu un collapse total di e economia mundial. P’esey mester a kibra tur paisnan nan economia. Ora e economia di Union Europeo cay, esaki lo tin un domino effect cu lo bay benta economia di otro paisnan rond di mundo. Na su turno lo introduci e moneda digital sigui pa e paspoort digital. Pueblo lo no tin privacidad mas paso via di e paspoort digital tin tur informacion di e persona e.o. fecha, dokter, vacuna, salario, etc.
E lider di WEF mes a expresa cu e lunanan nos dilanti e hackernan lo bay ta hopi activo. Por spera cu for di maart padilanti kisas te cu december e situacion mundial lo bay bira hopi mas dificil. Nos cu ta un pueblo chikito lo no scapa di e situacion. Nos gobierno conscientemente ta pusha pueblo di Aruba pa cay na rudia. Partido mep a bende nos autonomia na un prijs di baca flaco cu Hulanda. P’esey mes prome- minister ta bisa di ta dispuesto pa acepta e rijskwet. Tur mentira cu e gobierno aki a sembra nan lo cosecha. Dios ta permiti un gobierno pero ta yega dia cu E lo kit’e tambe. Esaki pa nunca mas e bin goberna a base di mentira. Dios su husticia ta aki caba y lo sali na defensa di tur esunnan desafortuna y esunnan den necesidad.
