Diahuebs e aerolinea Avianca a haci un anuncio importante p’e pueblo di Aruba. Ta un anuncio cu tur ta spera riba dje. Un anuncio cu sigur lo hala hopi atencion y ta bay haci hopi hende contento.
David Aleman, director di benta di Avianca, a anuncia cu lo amplia nan vuelonan pa y for di Aruba. Esaki ta traduci den mas pasahero, mas asiento riba Avianca, specificamente for di Medellin.
E ta conta cu sigur ta un excelente noticia cu entrante dia 2 di juni proximo lo start sali cu e ruta Medellin-Aruba, aumentando e conectividad cu e islanan aki y Colombia, cu ta un dato hopi importante.
Tambe ta aumenta e capacidad mas di loke nan tabatin na aña 2019. Ta trata aki di 8 vuelo, cuater frecuencia pa siman, dialuna, diaranson, diabierna y diadomingo. Sin duda esey lo por genera hopi mas oportunidad pa conecta cu e isla.
E IDEA
Segun David Aleman, for di hopi aña a bin ta opera e ruta Bogota-Aruba. Oficina di Turismo di Aruba a haci un trabao excepcional pa por promove e destino. Ta duna Avianca un base hopi fuerte pa por implementa e ruta aki. Fuera di esey, e interes p’e destino aki, vooral e mercado di zuid, manera Argentina, Brasil y Chile, ta grandi. Sigur esaki lo bira un ruta hopi exitoso.
COOPERACION PA LOGRA
Semper ora cu implementa un ruta, t’e trabao harmonisa di varios actor, manera entidad di turismo, aerolinea, aeropuerto y tur e plannan di promocion cu ta impulsa e destino aki. Sin duda esey a logra cu Aruba y p’esey nan t’ey cu e ruta nobo aki.
HUB
Medellin ta un di e ciudadnan mas importante cu Avianca a implementa vuelo internacional. Nan plan strategico ta pa descentralisa Bogota. P’esey Medellin ta un di e ciudadnan cu nan tin vuelo local y internacional. Awo cu e ruta nobo aki, ta uni n’e destinonan internacional, dunando mas opcion n’e pasaheronan.
KICO MAS POR SPERA DI AVIANCA
Sin duda lo por tin mas ruta. Manera menciona, e enfoke ta descentralisa Bogota. Cali y Medellin t’e ciudadnan di cual semper nan ta explorando oportunidad di vuelo. Ta spera tambe pronto for di Medellin, duna anuncio importante di ruta nobo. Cali sin duda tambe ta un destino cu ta opera destinonan internacional, manera Europa y algun destino di Merca.
Ta parti di e strategia cu AVIANCA ta maneha. Den 2023, 47% di nan rutanan no ta ocupa Bogota como un centro di conexion, ya cu ta ruta punta pa punta. Ta sigur un excelente noticia p’e ciudadnan aki.
ASIENTO
AVIANCA ta operando cu ekipo di DAS 320, cu ta di 180 stoel, ofreciendo tres tipo di stoel. nan tin Premium, Plus y Cabina economico. Nan tin alternativa grandi p’e pasaheronan. Fuera di esey ta maneha e momento aki tres tarifa p’e cabina economico, p’e vuelonan pa Medellin y establece con nan kier bula. Tin tarifa cu ta basic, classic y flex. E pasahero por traha e manera con e kier bula y ta sigur cu e ruta aki lo ta un exito.
KICO ARUBA TA PA AVIANCA
Pa Avianca, Aruba ta un destino hopi importante, vooral p’e oferta cu nan tin, e alternativa cu tin di bishita. No solamente nan ta bon gusta na Colombia. Awendia tin hopi oportunidad por ehempel fo’i Ecuador, cual ta un destino cu ta moviendo hopi. Tin hopi interes y ya varios operador ta cuminsa promove Aruba. For di Argentina tambe tin interes. Tur esaki ta uniendo cu otro pa por tin un match ganado y cu por permiti e destino. Pa Avianca, ta un di e paisnan hopi importante pa nan.
