Tourism Oriented Police (TOP Oranjestad) conhuntamente cu partnernan envolvi, ta anuncia lo siguiente. En conexion cu apertura di Gate number 5 di Aruba Ports Authority cual lo ta uza pa e pasaheronan di crucero e siguiente reglanan di operacion y prevencion lo ta aplica. Esakinan tur ta pa mantene orden publico, operacional y siguridad di nos mes y nos bishitantenan.
Tambe TOP kier a recorda tur hende cu tin borchinan na Welcome Plaza cu ta indica cu esaki ta unicamente pa tour operator y personal di waf y cu tin orarionan stipula tambe. Esaki pa minimalisa e trafico pa mantene siguridad di esunnan cu ta opera riba e tereno aki y nos bishitantenan. Tene cuenta cu e borchinan di trafico. Tambe lo tin control extenso di tanto TOP Oranjestad conhuntamente cu DTP y DVG pa optimalisa e operacion na Gate 5.
Reglanan di operacion y prevencion pa Tours:
– Tur pasahero mester uza tapaboca (mondkapje)
– Mester tin handsanitizer abordo di e vehiculo
– Si por tene un lista di nomber di e pasaheronan y di cua barco nan a baha di dje
– Tuma tur medidanan di prevencion
Reglanan di operacion y prevencion Tour Operators :
– Tur tour operator mester uza nan tapaboca (mondkapje)
– Mester tuma 1.5 meter di distancia for otro
– No por causa ningun tipo di aglomeracion di hende
– 5 tour operator so lo ta tolera cada banda di Gate nr. 5. (10 tour guide) cada biaha un e ‘next in line’ lo tuma su luga. E otronan tin cu warda nan turno den nan vehiculo
– Mester para na luga asigna cu lo ta marca. (distanciamento social)
Regreso for di e tour:
- Regreso di tour tambe mester sosode na e drop off zone (parkeer haven Diamonds International) pero den un manera responsabel pa evita aglomeracion di e pasaheronan.
Rental operators:
– Tur rental operator lo opera otro banda di caminda dus den e Welcome Plaza
– Solamente un personal pa compania
– Mester uza tapaboca (mondkapje)
– Mester tuma distancia di 1.5 meter for di otro (distanciamento social)
– si por sanitize e vehiculonan prome y despues di e entrega
Taxi:
– Tur Taxista mester uza nan tapaboca (mondkapje)
– Mester tin handsanitizer abordo di e vehiculo
– No por causa ningun tipo di aglomeracion di hende
– Taxinan lo opera for di nan taxi stand dilanti di Welcome Plaza
- Pickup y drop off lo sosode na e dicho taxi stand
- E taxi stand aki ta exclusivamente pa taxista
- No por parkeer ningun vehiculo cu no ta taxi y tampoco por carga ni descarga carga na e dicho stand.
- Unico excepcion cu lo tolera un taxista subi e Welcome Plaza si nan tin pasahero cu asistencia special (p.e. handicap) y lo mester drop off na e drop off zone indica. (parkeer haven Diamonds International)
Cuerpo Policial Aruba ta spera di por a informa tur hende debidamente di e reglanan operacional y di prevencion. Tambe KPA ta gradici tur partner envolvi pa e colaboracion y participacion den esaki.
