Un di e cambionan relaciona cu e prome fase di e Reforma Fiscal ta encera e cambio den e tarifa di inkomstenbelasting y loonbelasting. Manera conoci e mesun tarifa cu ta valido pa inkomstenbelasting ta valido tambe pa loonbelasting.
E tarifa aki ta hopi importante tanto pa e personanan priva como e doñonan di trabou. Departamento di Impuesto ta duna siguientemente un splicacion riba e tarifa valido pa aña 2019. Cambionan Den e tabel akibou por mira e diferencia entre e tarifa actual (2018) y esun valido pa 2019.
Tabel 2019
E tabel di impuesto 2019 ta como lo siguiente:
Prome cu aplica e tabel pa calcula e suma di impuesto mester deduci e suma liber di impuesto (belastingvrije som).
Na final ta baha e suma di impuesto cu a wordo calcula y hacie un suma cera.
Ehempel:
Entrada fiscal Afl. 68.864
Suma liber di impuesto Afl. 27.751 -/-
Entrada riba cual ta aplica e tabel Afl. 41.113 mira categoria di entrada nr. 2 Kita suma di kolom II (categoria 2) Afl. 33.587 -/-
Saldo Afl. 7.526
Impuesto riba Afl. 41.113 segun kolom III (categoria 2) Afl. 4.702,18
Impuesto riba Afl. 7.526 25% segun kolom IV Afl. 1.881,50 Suma total di impuesto Afl. 6.583,68 Inkomstenbelasting of loonbelasting cu mester paga Afl. 6.583 (pa aña)
Departamento di Impuesto tin un Excel file cual su clientenan por uza pa calcula e suma di impuesto automaticamente. E file aki yama ‘Berekening IB-LB 2019’ y por baha esaki di e website www.impuesto.aw.
