Empleadonan di Riu Palace Antillas a tene nan celebracion di Pasco, tur hende a pasa un rato agradabel den e ballroom di Paseo Herencia. Despues di oranan di trabou, tur empleado a yega hunto cu gerencia, cu un sonrisa riba na nan cara.
Gerencia di Riu Palace Antillas tabata feliz di a tene e celebracion di Pasco hunto cu e empleadonan, kendenan ta traha duro henter aña largo. A demostra esaki door di premia empleadonan di aña. E ganadonan ta Eduard Tromp – Empleado di aña, Victor Tavarez – Supervisor di aña, Omar Martinez – Rising Star y Rosibaldo dos Santos – Team player di aña.
Tambe a premia e empleadonan door di a tene rifa cu diferente premio. Tur ganado tabata contento cu nan premio y a gradici gerencia p’e regalonan. E ambiente a sigui y tur hende tabata feliz di por a disfruta di un anochi ameno. Empleadonan a gradici gerencia di Riu Palace Antillas p’e fiesta di Pasco.
