Den cierto forma, a laga hopi cos pasa bay. Reglanan cu kisas mester sinti cu tin cosnan cu no tabata cana bon. Ta momento pa actua y cuminsa di nobo y e problema di Venezuela aki ta haciendo hopi falta. Segun comerciante Elvis Kock, e realidad, Venezuela ta full cla pa sali, pero, tur hende sa cu aki tin un stuurgroep cu ta bezig cu cierto cambionan cu lo bay bin, cual ta na fabor na hopi di e cambionan aki.
Kico ta e cambionan
E realidad ta cu tur hende cu tin nan permiso di trabao, nan ta esnan cu tin e promenan pa ta yama pa bin waf y saca nan carga. Ban trata di elimina e personanan cu ta traha den un forma ilegal aki na Aruba. Si nan ta bezig ta restructura, ta full na fabor di esey.
Urgencia
E cos aki lo por ta soluciona for di hopi tempo pasa, segun Kock. Pasobra con cu bay bin, desde 5 di Januari, no a haya mas barco di Venezuela y e ta afectando pisa. Door cu ta nan ta practicamente barconan cu ta na Aruba constante. Barconan semanal, puntual na Aruba cu fruta y berdura for di Venezuela. Kock mes tin por lo menos 36 aña den e negoshi di fruta y berdura.
Ta afecta
Kock a comenta cu nan tin un agencia, nan tin cuater hende total trahando y e ta afecta nan hopi den tur sentido.
Reunion cu gobierno
Dia 3 di Mei nan a keda di topa bek cu gobierno pa haya un contesta. Kock a comenta cu ainda nan ta bezig cun’e y ta wardando e momento pa haya un reunion. Tabata tin contanto cu sr. Koolman, consehero di minister y a bisa cu ta bezig trahando riba dje. Te ainda no tin nada.
Solucion
Kock ta spera cu e solucion tey mañan. Nan deseo ta di traha. Por lo menos laga 3 of 4 barco por cuminsa drenta bao di regla y condicion cu gobierno pone, mientras cu nan ta bezig ta solucionando e problema. Por lo menos laga e wega cuminsa, pa por cuminsa traha. Si barconan yega descarga bay, at least cu fruta y berdura cuminsa drenta bek for di Venezuela. Esey ta loke e comerciantenan ta pidiendo.
