Polis di San Nicolas ta sigui cu control y esaki ta riba tur vehiculo den trafico. Riba caminda di Zeewijk a bin topa cu un motociclista actuando poco sospechoso.
Esaki a tuma luga den careda di 12:00 pm ora cu a pidi un motociclista pa su documentacion valido pa dicho brommer. E no por a presenta esaki y mesora a confisca e brommer for di dje.
A mustr’e riba e maneho cu ta hiba cu na momento cu e presenta cu tur documento na ordo e lo haya su brommer bek. A pone e scooter den bak’i pickup y transporta esaki pa warda di polis.
