Ayera nochi Centro di Rescate di Wardacosta a ricibi un whatsApp di havenmeester di Aruba cu un persona abordo di e tankero STI MARSHALL tabatin mester asistencia medico. Na yegada di Metal Shark, cu dos paramedico abordo, a realisa cu no por baha e pashent via trapi di e tankero pa e Metal Shark.
Na e momento ey RCC a pidi pa e helicopter di Wardacosta pa e homber cu tabatin un herida na su lombrishi, pa transport’e pa aeropuerto Reina Beatrix.
Ey ambulance tabata wardando pa transporta e homber pa hospital pa por ricibi cuido medico avansa.
