Ya pa algun dia tin un ekipo comercial di Rionegro, Colombia riba nos isla, bishitando diferente compania, banco y instancia importante pa cu comercio na Aruba. Nan ta buscando un forma con por intercambia e forma di haci negoshi, sea for di Rionegro pa Aruba of lo contrario.
Dialuna merdia nan a bishita Romar Freezone, caminda e gerente, Milton Harms a ricibi nan brasa habri y comparti varios idea. No solamente idea pero buscando e manera con por haci negoshi cu otro. A splica nan e forma di haci negoshi na Aruba y yuda nan cu contacto clave di comerciante nan local.
Entre nan tabatin representante di Camara di Comercio di Antioquia, Alianza Oriente Sostenible kende ta un proyecto cu ta conta cu sosten di financiero di Union Europeo y representante di un universidad di e zona cu nan ta representa.
Daniela Eusse Molina ta di Camara di Comercio di Antioquia, na final di e reunion cu gerente di Romar Trading, el a conta cu e tabata un reunion y cu nan ta mira bek riba informacion valioso. Prome cu a bin Aruba, a haci diferente estudio pa cu haciment’i negoshi cu compania local.
Locual a resalta ta cu nan bon a comproba cu nan e resultado di investigacion ta cuadra cu realidad. Nan enfoke ta pa busca e balansa den haci negoshi riba e sector di fruta pero tambe sector di servicio y medico. Nan a bishita diferente organisacion, hasta gerente di banco local. Nan a ricibi informacion valioso for di Milton Harms di Romar Trading.
Ya nan a ricibi interes for di comerciantenan local pa haciment’i negoshi entre e tera Colombiano y Aruba. Tin diferente factor positivo pa haci negoshi cu Aruba. Sigur, e parti di calidad y prijs ta locual nan kier enfoca riba dje.
Juan Pablo Mejia Ordoñez ta un experto riba nivel di innovasion y tambe ta representa e proeycto di Alianza Oriente Sostenible (AOS). AOS ta un proyecto financia pa Union Europeo, cu un inversion di casi 5 miyon di euro pa diversidad di actividad entre e bintitres municipio di Antioquia.
Mejia a conta cu e biahe aki danki na Camara di Comercio por yuda pa nan trece nan idea na e mundo comercial na Aruba. Nan a haci dos investigacion y ta mirando e posibilidad di conecta y organisa y mision comercial pa contribui na nan meta.
