Christopher Arends a competi na Colombia den e competencia internacional di karting. Pa e por a yega Colombia no tabata facil, pero a haya sosten di Corsou.
Den e competencia final Arends a sali entre e pilotonan top. Edwin Arends, tata di piloto Christopher Arends, a indica cu pa nan tabata un placer di por tabata un biaha mas den un competencia di Panamericano. El a splica cu su yiu tabata competi cu e di cuater di mundo y nan tabatin bista pa wak si por gana e campeon.
E preparacion tabata duro, aunke cu nan a haya motor completamente cla. Pero asina mes nan no tabata cla y segun Arends, nan a haya nan mes ta torno e motornan pa haci algun cambio. Te riba dia di competencia nan a bin haya e speed desea pa competi. A sali di seis y drenta di tres, y esey a pone cu nan tabata di sali patras dje campeon.
El a splica di ta eybou nan a bin haya sponsor manera di Corsou. Nan a haya sosten grandi di Corsou. Kenchi Eckmeyer ta sostene henter e team y esey a yuda nan. Na Corsou e deporte di karting a crece, pero na Aruba no. Arends ta kere cu gobierno mester hinca su man, pasobra e pista cu tin no ta uno pa karting. El a splica cu no tin un facilidad manera mester ta.
Pa mas lesa TREMPAN.COM.
