Durante proceso di votacion pa presidente di parlamento, a scoge Edgard Vrolijk como presidente di parlamento. Despues di 4 aña como parlamento, el a upgrade su mes y actualmente e tin e titulo di Meester in de Rechten. El a haya confiansa di su coleganan den parlamento pa fungi como presidente di parlamento y e ta cla pa e retonan cu esaki ta trece cu ne.
Vrolijk a bisa cu no ta bay ta facil, mirando cu tin un parlamento di diesun, lo tin hopi reto. Specialmente recuperacion di e pais, cierto cambio na caminda y sigur independisacion di parlamento ta un prioridad. Tambe cambiamento di “Reglament van Orde” y cierto actividad mas pa sigura cu interes di e pueblo ta bon cuida den parlamento. Unabes mas, e ta reitera cu e no ta bay ta cuater aña facil, pero e ta cla pa e retonan.
E hecho cu el a haya diesun ta un indicacion di con e formacion ta bayendo, cual ta algo cu pueblo mes a vota p’e, segun Vrolijk. MEP a haya apoyo di RAIZ den parlamento, a pesar di cu tabata tin un bloke cu tabata di spera caba, un bloke di 10, contra di nan. Pero e retonan su dilanti no ta bay ta facil, lo mester goberna cu hopi transparencia y e rol di parlamento ta bay uno grandi. Dimension di politica mester cambia, interes general mester ta na prome luga den e cuater aña nos dilanti.
MINISTER
Pa loke ta un puesto di minister, e ta keda habri pa cualkier oferta cu bin dilanti. E puesto di presidente di parlamento, el a tum’e temporalmente, mirando cu mester un parti transitorio. E ta conoci como un persona hopi skerpi den parlamento y pa keda sinta boca cera den parlamento of como presidente di parlamento, no ta cuadra cu su personalidad.
Por ultimo, Edgard Vrolijk a reitera un bes mas, cu e ta habri pa cualkier cambio cu presenta su dilanti den e dianan nos dilanti.
