Presidente di Parlamento, mr. Edgard Vrolijk a laga sa cu despues di celebracion pa habri caminda pa aña parlamentario 2023-2024, lo tin trabaonan di renobacion na edificio di parlamento.
Lo cambia e bentananan, lo drecha e luga y ‘hacie na su balor manera un parlamento mester ta’, segun e presidente a expresa.
Na 2024 lo cuminsa cu renobacion di Fort Zoutman tambe pa locual cu ta e mehoracion di parlamento di Aruba
Parlamentario Vrolijk: “Kiermen trabao tin hopi pa haci, boluntad tambe tin, e smaak tin, y esey ta ora cu trahado ta contento y haci nan best. Asina mes den un grupo limita of chikito di trahado, mi a logra hopi den mi añanan como presidente di parlamento.”