Parlamentario di MEP, Edgard Vrolijk a trata e topico di DPS, durante conferencia di prensa di MEP. Tur hende a wordo poni na altura, vooral esnan cu ta traha den veld, kico tur ta pasando. Y tambe pa pueblo ta conciente y sigur ta informa. Den e funcion nobo aki, ta asumi e rol di parlamentario di otro manera, unda cu kier ta mas cerca di pueblo y scucha. Naturalmente tambe nan ta para pa loke cu pueblo kier. Esey ta loke fraccion di MEP ta manda e mensahe pafo, cu nan ta nan sirbido. Siguramente ta busca informacion, ta scucha nan, pa asina ey, na ora di tuma e decision, decision ta basa riba loke cu pueblo kier y no locual cu e parlamentarionan ta pensa.

Vrolijk ta referi tambe, cu nan no lo hunga cu emocion di hende. Esey ta algo malo, pasobra ora cu ta trata cu pan di hende, bo no ta haci wega. Cada ken kier un siguransa y ta esey ta locual ta pasando awor aki, pa loke ta e trahadonan di DPS. Nan ta sinti nan mes insigur y Vrolijk siguramente no ta hunga cu pan di hende y tampoco cu emocion di hende pa propositonan politico. Esey por a mira den pasado. Vrolijk ta para pa no practica esakinan.

 

Kico ta haciendo

Como parlamentario, ta asumi un otro rol. A bisa e minister bon cla, y Vrolijk ta keda riba su palabra, cu a bin cu algo, bay busca e dragvlak pafo. Bay bin bisa cu e trahadonan eyfo ta sosten’e.

 

Dicon ta bisa trahado

Vrolijk no ta bisa sindicato, pasobra tin cu papia cu tur. Pero na final di dia ta e trahado ta sinti e diferencia y mañan, si cos no bay bon, ta nan ta sali perhudica.

 

Parlamento ta den un ronda di bishita, unda cu ta bishita scol pa scol cu ta cay bao di DPS. Te ainda tur scol cu a topa, ningun di e trahadonan no kier e cambio. Nan no kier bay den e sistema di stichting. Si minister ta buscando dragvlak, e parlamentarionan tambe ta buscando uno. Nan kier realidad y cos haci nechi, segun parlamentario Edgard Vrolijk.