Temporada di Pasco ta uno hopi special, conoci pa ta varios dia druk den caya grandi mientras algun hende ta cumpra regalo pa nan ser stima. Pero….bo a yega di puntra bo mes, kico en realidad ta mas importante?
Pensando rib’e regalo di mas importante, 24ora.com a acerca varios persona cu algun pregunta;
Ken ta e persona mas importante den bo bida?
Kico lo bo regal’e pa Pasco?
Y si bo gana e premio mayo di Lotto…kico lo bo cumpra p’e?
Awo…..si bo sa cu esaki lo ta su ultimo Pasco?
Motibo tras ta esaki, ta cu hopi biaha nos ta lubida e cosnan mas importante den bida cu ta cu ta – TEMPO-. Pa medio di e experimento social aki, nos kier curasha bo pa tin tempo pa bo famia y tur cu bo ta stima. Nos a mira hopi cambio pa loke ta trata e celebracion di Pasco…stima, biba y gosa.
Bon Pasco y Feliz Aña Nobo di parti di e ekipo completo di Headlines Group.
