Na momento cu tin cierto cos cu no ta bon cu e posnan di awa dushi caminda cu tin molina instala mesora Departamento di Agricultura, Cria y Pesca ta tuma accion. Esaki ta na bienestar di nos Sector Primario. Esaki nos productornan local semper ta haci uzo di e awa aki. Claro e ta conta pa tur molina cu ta den funcion cual no ta hopi. Ta esun di Pavia y esun di Savaneta cu te ainda cu ta den funcion.
E biaha aki a toca turno na esun di Pavia pa haci mantencion y cambio riba e parti mas ariba di e molina.
For di algun siman caba tabata prepara pa ehecuta e trabounan aki y diabierna for di mainta trempan colega y otro instancia a percura pa esaki. Tur a yega hunto mainta pa asina realisa e trabounan riba e molina.
E trabou tabata encera di kita e parti mas ariba di e mulina caminda e molina ta cu ta conecta cu e guia na momento cu biento supla y reemplasa esaki pa un nobo.
No tabata nada facil pa hasi esaki ya cu mester a haci uzo di ekiponan pisa pa tanto baha e parti bieu y pone esun nobo bek.
Awor nos productornan local por sigui haci uzo di e awa di molina aki sin problema pa nan cultivo.
Di parti di Departamento di Agricultura,Cria y Pesca Santa Rosa ta gradici coleganan cu a percura pa haci e trabounan aki.
