E Hyundai Accent su generacion nobo a yega Aruba. E ta un auto totalmente diferente di loke tabata tin prome, sumamente impresionante. Un concepto totalmente nobo pa locual ta e auto aki cu hopi ta conoce na Aruba pa su calidad legendario, su durabilidad y estilo. Bo tin cu yega mesora Garage Centraal Aruba su showroom y bin wak e pa bo mes.
Rodney Kock, gerente di mercadeo na Hyundai ta conta nos cu e auto aki ta bay di berdad crea un ‘statement’ ariba caya cu e forma agresivo cu e tin. Cumisando cu e grill cu liña di Chrome riba dje, e liñanan dramatico cual ta sigui na banda, y e luznan tambe cu un diseño parametrico nobo.
Paden di e auto, ta papia di un experiencia totalmente nobo cu dos screen, un dilanti pa informacion di auto, anto un otro na banda pa control di audio y otro settings. Un carateristica particular di e auto aki ta cu e controlnan di airco y radio ta riba e mesun set di boton. Bo ta dal un boton anto e ta switch. E ta hopi facil pa uza, sumamente inclusivo y nan a haya un cantidad limita so! E invitacion ta pa pasa wak e auto aki na Garage Centraal su showroom, pasobra e generacion nobo di e legendario Hyundai Accent ta sumamente espectacular.
