Diabierna, 9 di juni a habri su portanan na Renaissance Wind Creek Aruba Resort, e prome 5 o’Clock Par & Chill den portfolio di Margaritaville.
Luga nobo y excitante aki di deporte ta conta cu tecnologia avansa di weganan di sport manera golf den 3 “suite” mientras bo ta disfrutando di e menu amplio di 5 o’Clock Somewhere Bar cu un variacion di cuminda sabroso como tambe di e cocktail nan famoso cu Margaritaville ya bon conoci.
Bishitante di edad di 16 aña bay ariba por scoge for di 11 diferente opcion di wega incluyendo golf, tennis, lacrosse, futbol, basket & baseball, hunga den un di e tres state-of- the-art suite deportivo, avansa y comodo di Par & Chill. Lo por gosa di competencia virtual como un solo hungado, of por haci esaki hunto cu famia of amigo comodamente den un di nos tres suitenan cu capacidad di 8 pa 10 hungado.
Nos ta hopi entusiasma y orguyoso di por a habri e prome 5 o’Clock Par & Chill treciendo asina un experiencia unico di entretenimento di weganan virtual aki na Aruba pa tur nos localnan como tambe bishitante nan di afo, asina Paul Gielen, Gerente General di Renaissance Wind Creek Aruba Resort ta declara. Nos tin ya caba un reputacion di brinda servicionan unico y sin igual cu no ta disponibel na ningun otro parti na Aruba, y habriendo asina e prome luga di entretenimento virtual di sport & golf ta un momento di orguyo pa nos ekipo completo
5 o’Clock Par & Chill tambe lo ofrece un variedad di sabor riba nos menu manera, burgers, wings, snack platters & light bites como tambe algun desserts, y pa refresca tur nos bishitante nan no por keda afo e cocktail como tambe otro bebidanan popular di Margaritaville manera “boat drinks”, margarita, frozen cocktails y un variacion di bebidanan sin alcohol.
Sea bo ta un deportista of un aspirante nobo den un di e diferente weganan, 5 o’Clock Par & Chill lo ta e luga perfecto pa forma un grupo y pasa un rato agradabel. Un luga ideal pa celebra dia di tata hunto cu famia, laga papi demostra su talento deportivo.
Lo tin diferente pakete nan disponibel pa ora como tambe pa fiesta of evento nan priva
Tarifa pa ora ta cuminsa di $30, depende di e cantidad di persona di e grupo, como tambe den prijs pa oranan adicional y oferta di cuminda & bebida.
Pa mas informacion, bishita nos Instagram page @5oclockparandchill of e-mail nos na [email protected].
