Ayera diabierna Kiwanis Club of Palm Beach a tene su di 24 Carnaval Masquerade Party den Renaissance Convention Center. A bende carchi na balor di AWG 500.00 pa pareha. Tur fondo recauda cu e Masquerade Party di Kiwanis Palm Beach ta bay bek den comunidad.
E presidente actual di Kiwanis Club of of Palm Beach, Daniel Aguirre, a sigura cu muchanan mester di hopi cuido y ayudo. Kiwanis Club of Palm Beach ta sostene, entre otro Nephtaly Henriquez Park, pero tambe e programanan manera Terrific Kids, Builders Club, cu awor ta activo na varios scol, Circle K activo na University of Aruba, e programa StimaMI GuiaMi, Back to Scol Project, banda di nan donacionan regular manera Water coolers pa scolnan, e campaña di conscientisacion rond di Car Child-Seat. Ademas ta haci donacion na CEDE Aruba, Hungateca, YMCA, Casa Cuna, Buki di Pret, Jump 18th program y otronan.
E bandanan durante e Masquerade Party tabata Tsunami, ‘N Fuzion, Robert Jeandor y su Solo Banda Show y Musical Time. E Masquerade Party tabata un fiesta “Open Premium Bar”, pues nada di cash bar of tokens y tabatin Premium Snacks.
Tocante Kiwanis Club of Palm Beach
Kiwanis Club of Palm Beach Aruba ta forma parti di Kiwanis International, un organisacion mundial di boluntario dedica na cambia mundo, cuminsando na comunidad y mucha. Nan ta un organisacion den crecemento, dedica na yuda muchanan di mundo henter hisando nan calidad di bida. Pa mas information di Kiwanis Club of Palm Beach bishita nan webpage na www.kiwanispalmbeach.com of nan Facebook fan page na www.facebook.com/kiwanispalmbeach of nan Instagram page www.instagram.com/kiwanispalmbeach.
