Dia 23 y 24 di september proximo, lo bay tin presentacion di e obra teatral E Cashi Magico den Cas di Cultura.
E cashi magico ta Un obra di teatro cu musica, pa full famia desde 6 aña.
E ta conta e storia di Daniel den su mundo di fantasia. Aki ta mustra con e creatividad di Daniel ta trece un tiki den problema na scol pero tambe cu esaki ta resolvi. Ta importante cu mucha ta siña di jong e diferencia di otro. Pa medio di musica y un bunita decor y e actornan talentoso ta trece e storia di Ada aki dilanti. Den e obra aki muchanan por descubri cu tur hende ta conta y ta special!
E obra aki ta un produccion di Cas di Cultura bou direccion di Joan Danies. Cu a yeg’i traha den pasado cu Trevia. Joan tin Sue-Ann Kelly como su assistent y ta haci decor y trahe.
E storia ta skirbi pa Angelo Angela, docente di scol y maestro di CKV. Composicion y areglo ta den man di Zulaika Geerman cu por conoce di rima rond di Aruba.
Diseño di e decornan ta traha pa Ashley Frank y pinta cu e boluntarionan di Arubadoet.
Cas di cultura ta hopi contento cu por presenta e obra aki pa tur mucha y cu lo tin dos presentacion na scol tambe pa 1000 mucha. Masha danki na e scolnan cu a pidi p’e.
Pa e presentacion aki tin un competencia di pintamento. Lo ta bay publica un kleurplaat riba Pagina di Facebook di Cas di Cultura. Por download esaki y mand’e eyden via e-mail of trece e pintura na Cas di Cultura. E kleurplaat mas bunita ta gana 4 carchi pa e cashi magico. E deadline pa esaki ta diamars 20 di September.
Ticket obtenibel na Cas di Cultura y Plaza Bookshop pa 25 florin.
Tambe Cas di Cultura kier bisa danki na n’e patrocinadonan cu ta VNO, Prins Bernhard Cultuurfonds y Fonds Familie Koeman, Maltin Polar, Elite y Departamento di cultura.
