Diahuebs a tuma luga e di dos dia di InterExpo 2022, unda cu varios orador a trece nan presentacion p’e publico, cu ta consisti mas parti di e parlamentarionan di e diferente islanan den Caribe Hulandes como tambe varios miembro di eilandsraad.
Clyde van Putten di Sint Eustatius ta un di e oradornan cu a haya pregunta durante e ‘vragenronde’ cu a tuma luga, unda cu na dado momento a cuminsa debati cu e presidente di Camara di Comercio di Corsou.
Den su disertacion durante di e seminario, Van Putten ta menciona “con igual nos ta ora cu den e asina yama Reino Hulandes uni cu nos tin un situacion unda cu ta trata e leynan di consenso tabata imponi riba e tres otro paisnan Corsou, Sint Maarten y Aruba, cu supuestamente ta parti di e estado constitucional Hulandes.
Con igual nos ta, ora cu un secretario di estado, apunta na Hulanda ta haya instruccion y ultimatum p’e gobiernonan di St. Maarten, Aruba y Corsou y hasta duna e parlamentarionan ultimatum riba cierto ley cu e Hulandesnan ta pensa cu mester ta na su luga. Pero esey ta evidente cu e pandemia di COVID reciente, cu tabatin efecto devastador riba tur e islanan den Caribe Hulandes.
Ora cu e yamada pa ayudo financiero, ni den forma di un regalo, pero den forma di un prestamo, tabata rekeri di e gobiernonan di Aruba, Sint Maarten y Corsou e demandanan di mas ridiculo,” e diputado a remarca.
Di un otro banda, Billy Jonckheer, presidente di Camara di Comercio di Corsou a sa di contesta e diputado, bisando cu e islanan a bay di acuerdo pa CFT, ora cu nan a paga nan debe riba miyones di dollar.
Segun Jonckheer, el a scucha van Putten ta bisa cu e islanan no ta di acuerdo cu e Hulandesnan.
Miguel Mansur, lider di fraccion di Accion 21 tambe a uni n’e debate, puntrando e diputado kico ta loke ta su vision riba colonisacion.
