Diamars mainta un grupo di Polis di districto dos a tene un control di trafico band’i e veld di Kudawecha. Durante e control aki a topa cu un pickup double cabina cu seis hende homber pega y preta den e auto.
Ora Polis a bay atende cu nan a descubri cu cinco di nan no por a demostra cu nan tin un permiso pa ta legalmente na Aruba. Mesora a bay over na detenenan y hiba nan na Warda di Polis, despues traslada nan pa Warda Nos Costa pa nan expulsion.
