Lamentabel locual a tuma luga durante oranan di diabierna marduga na diferente establecimiento rond di nos Isla. Varios area afecta cu kiebro y destruccion cuantioso. Entre nan Dufry den Caya Betico Croes, cu tambe a bira victima marduga.
Na momento cu a tuma nota di e kiebro a yama Polis mes ora pa raporta e ladronicia. Mester menciona cu a bay cu un cantidad di producto na balor substancial. A kibra e rolluik prome y asina pasa despues pa kibra e porta di glas dilanti.
Gerencia di Dufry a tuma accion mes ora, a pidi disculpa na su clientela pa tene e establecimento cera te cu 12or di merdia y a cuminsa un clean up inmediato pa por habri porta despues di e limpiesa y sigui sirbi su fiel bishitantenan cu tabata den compra di pasco y dianan di fiesta. Tambe a dirigi e clientela na e Dufry den Royal Plaza Mall pa cualkier compra desea.
Daño ta grandi, ladron a logra bay cu hopi mercancia y ta spera cu pronto husticia por pone man riba e malechor cu ta causa daño na comercio cu no ta den su miho momento y sigur no mester pasa den situacionnan aki.
