Den ultimo tempo Departamento di Aduana a tuma nota di un producto cu varios tienda y supermercado local ta bende clasifica como sigaria pero sin cello conforme ley. Ta trata aki di e producto “Racer Cigars” di diferente sabor manera cherry, menthol, peach, strawberry, smooth y full flavor.
Departamento di Aduana ta informa cu pa por importa sigaria, mester tin un permiso di Aduana como importado di sigaria y mester paga accijns riba e producto aki. Ademas, e producto mester tin su cello corespondiente riba e paki manera prescribi pa ley como prueba di importacion legitimo di sigaria.
Departamento di Aduana ta pidi tur tienda y supermercado local cu tin e “Racer Cigars” actualmente na benta sin permiso legal di importacion, pa por fabor entrega e productonan aki inmediatamente. Den e caso aki lo haci un excepcion y lo duna oportunidad pa trece e productonan boluntariamente na Aduana entrante awe dia 27 di september te cu dia 30 di october 2021. Esaki ta pa coordina cu Aduana pa manda e productonan den exterior of pa destrui nan.
Tuma bon nota cu despues di e fecha di entrega menciona, Aduana lo cuminsa controla. Si acaso topa cu e producto en cuestion, e bendedo lo ricibi un multa. Departamento di Aduana ta spera di a informa tur cliente y pueblo di Aruba debidamente.
