Actualmente den Cas di Cultura tin un exposicion di arte visual, bou di e auspicio di AUA Exhibits ’21-’22, titula TERA|SOIL. E ta un duo-show cu ta presenta e obranan di e artistanan local Olga Gabrielle y Jess Wolff. Den nan obranan, Gabrielle y Wolff ta haci uzo di naturalesa como inspiracion pero tambe como material.
Jess Wolf, un artista visual local, a conta cu e ta colecciona y experimenta cu obhetonan natural, creando asina materialnan artistico nobo. E encuentro cu e paisahe Arubano ta resulta den procesonan artistico cu ta yuda pa reflexiona riba e comunidad di Aruba y como tambe “nos mesun identidad”. E exhibicion ta mustra con tur dos artista ta interactua cu naturaleza di un manera direfente y harmonico.
Wolff a sigui bisa cu e tin por lo menos 20 aña den e mundo di arte. El a studia na Rietveld Academie na Amsterdam y na 2013, el a bolbe bek Aruba. Di eynan el a cuminsa practica arte na Aruba.
E exhibicion TERA | SOIL, den un forma Ana Maria Hernandez, cu ta e curator, kier a crea unda Wolff y Olga por a conecta cu e parti di Aruba y su lo ta habri pa publico e weekend aki, diabierna 8 y diasabra 9 di april, di 6pm te cu 9pm.
Wolff su trabou den e exposicion aki tin un conexion, unda cu na 2011 el a cuminsa crea cu materialnan mas frecuente di Aruba mes, buscando den e partinan di mondi, di naturalesa. Di esaki el a cuminsa experimenta mas y mas cu nan.
Den e exposicion ta bin dilanti e diferente tecnicanan cu e ta practica pa varios aña caba, manera cosemento. Ta trata di diferente tecnicanan di cosemento.
E exposicion tin dos dia mas pa bay, diamars 12 di april y diaranson, 13 di april 2022 cu ta e ultimo dia, for di 10:00am te cu 4:00pm. Por haci un afspraak na Cas di Cultura mes, pa bishita e exposicion aki.
AUA EXHIBITS
AUA Exhibits ’21-’22 ta un serie di exhibicion presentando arte visual di artista local bou di curaduria di historiador di arte Ana María Hernández. Cas di Cultura ta gradici Mondriaan Fonds Hulanda y Prins Bernhard Cultuurfonds Caribisch Gebied pa nan aporte financiero cu ta haci posibel pa por organisa e serie aki y asina stimula arte contemporaneo di y na Aruba.
Probecha di e ultimo dos dianan di e exhibicion y apoya nos artistanan local.
