Diadomingo anochi den careda di 9or a sosode un accidente riba e caminda di LG Smith Boulevard. E tabata net dilanti ex oficina di Douane. Polis a bay cu urgencia na e sitio.
Ora cu Polis a yega a topa dos persona herida benta riba caminda. Tabata un dama y un hende homber. E Ford color blanco tabata bay direccion pariba y a lora links pa drenta e parkinglot di tax pabou di Louis Vitton.
E brommer cu e pareha tabata bin di pariba y a dal den e auto Ford SUV. Ambos persona herida tabata na tino. Uno cu dolornan fuere y otro cu kap na wowo.
Dos ambulance a presenta na e sitio. Ambos persona a bay Hospital.
Polis a laga takelwagen bay cu e brommer. Polis di trafico a atende e accidente. Un descuido di un chauffeur a causa e accidente. E SUV no a duna preferencia.