Un team special ta activo tur e dianan aki riba investigacion y of movecion di actonan iregular / contra ley den trafico, entre otro pa locual ta transporte publico of taxi pirata.
Diamars mainta algo pasa di 8:00AM den area di Madiki, cerca di Veld di Riverplate, polis a controla dos persona cu tabata den area. Locual por a tuma nota na sitio, ta cu sigur nan no por a mustra documentacion valido cu nan ta legal riba nos isla.
Polis a detene ambos y hibanan pa Warda di Polis pendiente investigacion.