Diahuebs anochi alrededor di 10:30 pm polis a detene un motociclista dilanti Umbrella Lounge den Playa. E motociclista aki tabata asina halto cu el a kita cay dilanti polis. Polis no a par’e, djis cu e no tabatin control di mes. A opta pa detene mesora, un conoci di dje a bay cu su scooter cas. E detencion no a bay facil mirando cu polis mester a soporta un monton di insulto.
Un rato despues alrededor di 10:50 pm un otro motociclista a kita cay dilanti polis. Ta riba e caminda di Tanki Leendert, un poco mas paseit di Chalo Burger.
E motociclista tabata maneha un Harley Davidson. Un amigo di dje tabata hunto cu ne riba un otro Harley.
A deten’e mirando cu e tabata betra. Durante e control a resulta cu su amigo no tin un rijbewijs valido, pues ta tur motibo pa e amigo compañ’e den e mesun transporte policial. Na final e agentenan mes a hiba e dos Harley pa warda di polis.
