Diabierna anochi den careda di 8’or y 30, Polis a wordo informa for di doño di un Toyota Vitz cu su auto a wordo horta for di dilanti su cas, y e ta scucha manera un persona tabata race gasoline di un auto.El a reconoce mesora e sonido di su auto y a yama Polis pa informanan di locual ta pasando. Varios unidad di Polis a bin mesora den area di Hooiberg Store pa wak si nan por logra topa e auto horta.
Ta un Toyota Vitz anto cu macreem special riba dje. Aunke nan tabata busca intensivo, no a logra di haya e auto. Si nan a topa cu e doño di e auto horta y e doño a mustra e agentenan policial un pick-up para eybanda mes. Segun informacion, esnan cu a bay cu su auto, a bini den e pick-up, a baha, bay cu e Toyota Vitz y a laga e pick-up atras. Ta sospecha cu e pick-up aki tambe lo ta un vehiculo horta. A confisca e pick-up pa mas investigacion.
