Fundacion Hende Homber a invita dr. John Croes pa papia tocante salud durante nan conferencia venidero diasabra 4 di november. Si bo tin bon salud, con bo ta mantene y cuida esaki. Dr. Croes ta bisa cu lo toca e parti emocional tambe, pero tin hopi otro aspecto pa papia riba dje cu ta mas urgente.
“Pasobra e hende homber ta bibando menos awendia. Mi tin cu splica e publico con nos por haci pa evita cu bo no ta bay haya cancer, Alzheimer, demencia, y tin formula pa esey, pero nos no ta papia di dje.”
Mas aleu, dr. Croes ta bisa cu tin hende por ehempel cu tin demencia cu den realidad no tin e enfermedad aki y ta simplemente nan no ta bebe suficiente awa. Pa motibo cu bo celebro ta deshidrata, bo ta papia co’i kens, bo ta lubida cos, e ta pasobra bo ta deshidrata.
