Esey ta e noticia cu diabierna mainta a lanta cu ne. E DJ y locutor Cedric Tromp, popularmente conoci como DJ Big Rig of Big pa su oyente y amigonan a anuncia cu pronto e no lo forma parti mas di e programacion di Cool 98.9 FM. For di su creacion, 16 aña pasa, Tromp ta un di e talentonan den aire na e emisora aki.
Hunto cu ne a bay di Caya Grandi pa e sede actual na Cumana; y durante ultimo shete aña e ta un parti di e trio cu habri tur dia di siman den e programa di gran sintonia ‘The Morning Show’ hunto cu Indroh Kelkboom y un figura femenino cu, entre otro, tabata den persona di Glendeline Maduro y mas reciente, Nen Flores. Pa un relato mas amplio, lesa TREMPAN diasabra.
