Dialuna anochi pasa di 10:00pm a bati alarma pa un piscado hoben cu a cay for di baranca na altura di Boca Prins. Polis, Bombero, Ambulance y Park Rangernan a bay na e sitio unda amigonan a conta cu un ola lo a dal’e y peg’e entre barancanan. A cuminsa un accion di buskeda y un rato despues a topa e curpa sin bida di Angelo Croes, naci na aña 1989. E tabata un DJ conoci entre nos hobennan. Condolencia na famia y amigonan.
Aki ta sigui e informe policial. Dialuna anochi pa 9:40 central di polis ta haya un yamada bisando cu un persona a cay for di baranca na altura di Dos Playa. Central ta manda un patruya di biaha y ta notifica brandweer, ambulance, kustwacht y esun encarga cu parke Arikok. Na yegada di patruya, e testigonan ta conta cu nan tabata piscando na baranca y un amigo di nan a slip y cay den laman. No por a wak e mas y na unda nan a bati alarma di biaha. Brandweer y kustwacht a busca nan unda cu despues di basta rato a bin topa cu e curpa sin bida na Dos Playa chikito. Pa 1:15 di diamars madruga dr Texier ta constata morto di Angelo K. Croes naci na Aruba 28 Augustus 1989 y biba na Hooiberg. Cuerpo Policial ta manda palabra di condolencia na famia di e fayecido.
