Diadomingo, despues di 3:00 am, polis a ricibi informacion di un fiesta na un cas situa na Pos Chikito a sali fo’i man. Pa un motibo of otro, algun persona a haya problema cu otro, te cu un a saca cuchiu cu intencion menos bon.
N’e luga, polis a presenta n’e sitio y a nota un Nissan Skyline shinishi bandona e sitio cu direccino Sabana Basora. Pero a dicidi no sigui e vehiculo.
Mirando e situacion cu ya caba tabata tenso, a pidi refuerso. Un total di cuater patruya y un transportwagen a presenta dilanti di e percela. Varios polis a drenta den e cura pa asina atende cu e grupo grandi di persona. Personahe principal di henter e conflicto mes a bandona e sitio.
Despues di basta rato cu a atende e bishitantenan presente, lagando nan sa cu fiesta a caba y cu tur hende cu no ta biba n’e cas, mester bandona e sitio, sino lo bay over na detencion.
A tarda un poco pero finalmente tur invitado di e fiesta a subi nan auto y a bay cas. Despues di esey e patruyanan tambe a move y a sigui cu nan control riba caya.