Awe mainta, den careda di 10:30AM departamento di gobierno (DIP) acompaña pa polis a presenta na Big Mama’s Grill na Baby Beach San Nicolas pa asina atende e situacion di e tent y beach beds cu tin poni riba beach na e momentonan aki.
Segun DIP, nan ta poni riba beach sin permiso (vergunning) y como tal mester kita e articulonan mes ora. Propietario Raven di su banda a indica na e e personal cu a presenta cu tur su documentonan na na ordo y ta wardando firma di Minister.
Raven a bisa cu a entrega e documentonan na DIP cerca y cu di nan banda a informa cu e papelnan ta na Minister pendiente firma. Tambe el a bisa cu e tent y beach chairman ta legal na sitio y no ta wak e necesidad cu mester kita nan for di sitio.
Di parti e departamento presenta a duna e propietario te cu awe tardi 2:00PM pa regla tur su papelnan lo contrario lo presenta cu truck di DOW pa tuma tur material den beslag.
