Den Juan capitulo 10:10 ta para scirbi: E ladron ta bini solamente pa horta, pa mata y pa destrui, Ami a bin pa nan tin bida, pa nan tin’e na abundancia. Kico ta nifica bida na abundancia? Awel esey ta e beneficionan cu solamente Hesus por duna bo den bo bida, cu placa no por cumpra y cu ningun hende no por kita for di bo.
Kico e beneficionan ey ta? Nan ta Amor, goso, paz, pasenshi, cariño, bondad, fieldad, mansedumbre, dominio propio. Esaki ta e fruta di Spiritu Santu cu ta yega na tur esunnan cu ta kere y biba pa Dios.( Romanonan 8:16).
Gran beneficio spiritual, cu solamente Dios tin poder pa duna y cu ta wordo demostra pa medio di un curason cu ta testifica e grandesa di Dios, dunando ayudo na tur hende, pa e abundancia di bida den Cristo por alcansa nan tambe. (Abundancia ta nifica mas cu suficiente)
Pesey Hesus ta bisa cu e ladron (satanas) ta bin pa horta, pa mata y pa destrui, pero Hesus por duna nos algo, cu e diabel no por horta for di nos. Den e sistema di mundo, hende gusta locual ta lombra, pero serca Dios ta diferente, Dios ta aprecia e curason, cu ta paden caminda ningun hende no por mira, pero ta expresa e amor di Dios pa tur hende por compronde. Ora un hende rico, un politico, ta presente na un lugar, tur hende ta bisa e tey pasobra mi a mira su auto, of mi a mira su bodyguard, pero caminda e Spirito di Dios ta , cosnan ta diferente, pasobra Su presencia lo yena bo curazon cu gozo.
Bida na abundancia ta cuminsa ora bo invita Cristo Hesus bin biba den bo curazon, e no por wordo cumpra ni tampoco reemplasa pasobra su preis a wordo paga na Calvario. Arepentimento y salbacion ta necesario tanto pa bida eterna como pa bida na abundancia.
Kico ta pasando cu hende ? Hende ta slons nan curpa, biba pa biba, no ta cuida salud, hopi ta pensa cu nan curpa ta di nan, y ta lubida cu e curpa ta tempel di Dios , nan ta droga , bebe y haci tur sorto di inmoralidad, y sin ripara cu e ladron (satanas) ta hortando nan bida for di nan.
E deseo di Dios ta pa nos por tuma Romanonan Capitulo 12vers 1+2,na serio cual ta bisa: Pesey mi ta roga boso rumannan pa medio di e misericordianan di Dios,pa presenta boso curpanan, como un sacrificio bibo y santo, aceptabel pa Dios,cual ta boso sirbishi spiritual di adoracion, y no sea conforme na e mundo aki,ma sea transforma pa medio di e renobamento di boso mente,pa boso por comproba kico ta e bon, y agradabel, y perfecto boluntad di Dios.
E boluntad di Dios ta pa nos tin bida na abundancia, pasobra esey tin mas balor cu placa, poder, material,pero pa nos yega na esey nos mester tin Cristo Hesus na prome lugar den nos bida, pasobra asina nos tin otro cos na prome lugar den nos bida , cu ta tuma lugar di Dios, nos ta biba den idolatria. Dios ta stima nos tur, corda riba locual Juan 3:16 ta bisa, no lubida Dios ta pordona tur pica Salmo 103:3 pa asina hende por pordona nan mes,y no cay den depresion, bibando den bo pasado. Y e cos di mas precioso cu por tin ta: Dios no kier pa ningun hende bay perdi.(2 Pedro 3:9). Pastor Marcel Balootje.
